អតិថិជនដែលមានសិទ្ធទទួលសេវា៖

• អ្នកវិនិយោគសញ្ជាតិខ្មែរ និងសញ្ជាតិបរទេស

នីតិវិធីនៃការផ្ដល់សេវា៖

• តុទទួលភ្ញៀវ “ច្រកចេញ-ចូលតែមួយ” ទទួលឯកសារ បន្ទាប់ពីមន្រ្តីជំនាញប្រចាំការពិនិត្យរួចរាល់
• នាយកដ្ឋានរដ្ឋបាល បញ្ជូនទៅ នាយកដ្ឋានវិភាគគម្រោង និងការលើកទឹកចិត្ត ឬនាយកដ្ឋានសម្របសម្រួលអន្តរក្រសួង និងនាយកដ្ឋានត្រួតពិនិត្យនិងតាមដានគម្រោងវិនិយោគ ព្រមទាំងនាយកដ្ឋានវាយតម្លៃខាងបរិស្ថាននៃគណៈកម្មាធិការវិនិយោគកម្ពុជា/ក្រុមប្រឹក្សាអភិវឌ្ឍន៍កម្ពុជា ដើម្បីចាត់ចែងតាមមុខការ
• មន្រ្តីជំនាញត្រូវរៀបចំកំណត់បង្ហាញដោយភ្ជាប់របាយការណ៍របស់នាយកដ្ឋាន ត្រួតពិនិត្យ និងតាមដានគម្រោងវិនិយោគ មុនដាក់ជូនប្រធាននាយកដ្ឋាន ពិនិត្យផ្តល់មតិ
• ឯកឧត្តមអគ្គលេខាធិការរង “គ.វ.ក” ពិនិត្យផ្តល់មតិ
• ឯកឧត្តមអគ្គលេខាធិការ “ក.អ.ក” ពិនិត្យ និងសម្រេច ព្រមទាំងចុះហត្ថលេខាលើលិខិតអនុញ្ញាត ហើយបញ្ជូនទៅតុទទួលភ្ញៀវ “ច្រកចេញ-ចូលតែមួយ” ដើម្បីយកទៅចុះលេខ និងប្រថាប់ត្រា មុននឹងអញ្ជើញអ្នកវិនិយោគមកទទួលយកលិខិតអនុញ្ញាត

ឯកសារភ្ជាប់

• ពាក្យស្នើសុំ (ចុះហត្ថលេខាដោយអ្នកមានសិទ្ធិ) (០៣ ច្បាប់ដើម)
• កំណត់ហេតុអង្គប្រជុំ ឬសេចក្តីសម្រេចរបស់ម្ចាស់ភាគហ៊ុន (០៣ច្បាប់ ដើម)
• អនុស្សារណៈកែប្រែប្រការនៃលក្ខន្តិកៈ (០៣ច្បាប់ដើម)
• លិខិបញ្ជាក់ការមិនជាន់នាមករណ៍ថ្មីរបស់ក្រសួងពាណិជ្ជកម្ម (០១ច្បាប់ដើម)
• លិខិតធានាអះអាងអំពីការទទួលខុសត្រូវនូវបំណុលពន្ធរដ្ឋនិងបំណុលផ្សេងៗ (០៣ច្បាប់ ដើម)
• ករណីម្ចាស់ភាគហ៊ុនជានីតិបុគ្គល (លិខិតប្រគល់សិទ្ធិ) (០១ច្បាប់ ដើម)

ក្រុមប្រឹក្សាអភិវឌ្ឍន៍កម្ពុជា/គណៈកម្មាធិការវិនិយោគកម្ពុជាតុទទួលភ្ញៀវ “ច្រកចេញ-ចូលតែមួយ” នៃក្រុមប្រឹក្សាអភិវឌ្ឍន៍កម្ពុជា